کوردی
عربي
English
سیاسی
ئابووری
توێژینەوە
کولتور
فۆتۆستۆری
مەڵتی میدیا
بەرنامەکان
پۆدکاست
بیرووڕا
English
عربي
سیاسی
ململانێكانی نێوان دوو براكە گەشتووە بە كوێ؟
2024-03-31
دیبلۆماتیك
هەریەك لە محەمەدی حاجی مەحمودو عەبدوڵای برای، بۆ هەڵبژاردنی خولی شەشەمی پەرلەمانی كوردستان، سەرۆكایەتی دوو هاوپەیمانی جیاواز دەكەن، هەڵبژاردنەكە بۆ دوو براكە بەر لەوەی پرسی وەدەستهێنانی كورسی پەرلەمان بێت، بۆ ئەوان گرنگییەكی دیكەی هەیەو لەوێوە هەریەكەیان بۆیان دەردەكەوێت كە زۆرینەی " پارتی سۆسیالست" لەگەڵ كامیاندایە.
لەپاش ئەوەی كە لەلایەن محەمەدی حاجی مەحمودی برای و ئەنجومەنی سەركردایەتی پارتی سۆسیالستەوە بڕیاری دەركردنی لە حیزبەكە درا، لە یەكەم كاردانەوەو هەڵووێستیدا، عەبدوڵای حاجی مەحمود كە بانگەشەی ئەوە دەكات ژمارەیەكی زۆر ئەندامانی مەكتەبی سیاسیو سەركردایەتی و ئەندامو لایەنگرانی پارتی سۆسیالستی لەگەڵدایە، لەگەڵ هەریەكە لە " پارتی ڕەنجدەرانو پارتی پارێزگارانو پارتی نەتەوەیی كورد" هاوپەیمانی " لیستی سەردەم"ی بۆ هەڵبژاردنی خولی شەشەمی پەرلەمانی كوردستان پێكهێناو هەرخۆیشی سەرۆكی هاوپەیمانێتییەكە دەكات.
سەرۆكایەتی هاوپەیمانی " لیستی سەردەم" بەناوی پارتی سۆسیالستەوە لە لایەن عەبدوڵای برایەوە، لە كاتێكدایە كە محەمەدی حاجی مەحمود وەكو سەرۆكی پارتی سۆسیالست، سەرۆكایەتی لیستی " هاوپەیمانی هەرێمی كوردستان" دەكاتو لەگەڵ هەریەكە لە حیزبی شیوعیو حیزبی زەحمەتكێشاندا هاوپەیمانییەكەی پێكهێناوە.
بەپێی زانیارییەكانی دیبلۆماتیك كە لە چەند سەرچاوەیەكی نزیك لە ململانێكانی نێوان دوو براكەوە پێیگەشتووە، هەڵبژاردنەكە ئەگەر بكرێت، دەبێتە گەڕێكی دیكەی ململانێكانیانو لەوێوە هەردوو براكە سەنگو جەماوەری خۆیان لەناو پارتی سۆسیالستدا بۆ دەردەكەوێتو بەپێی زانیاریو پێشبینی ئەو سەرچاوانە، ڕێژەی دەنگەكانی عەبدوڵای حاجی مەحمودو كاندیدەكانی لە هەڵبژاردنەكەدا دەبێتە دەروازەی ڕاگەیاندنی حیزب لە لایەن عەبدوڵای حاجی مەحمودەوە، یان هۆكار دەبێت بۆ هەر بڕیارێكی دیكە، ئەوەش دوای ئەوەی كە محەمەدی برای هەموو دەرگاكانی لێداخستووەو پێیووتووە بابڕوات چیدەكات بیكات.
سەرچاوەیەكی باڵای ناو پارتی سۆسیالست بە دیبلۆماتیكی وت، یەكێك لە هەنگاوەكانی دیكەی عەبدولای حاجی مەحمود ئەوەیە كە بۆ بەرگریكردن لە خۆی پەنا بباتە بەر دادگاو لە دادگا سكاڵا تۆمار بكات لەسەر ئەوەی كە محەمەدی حاجی مەحمودی برای بەرانبەری ئەنجامیداوە، چونكە وەكو ئەو سەرچاوەیە باسیكرد، بەپێی پەیڕەوی ناوخۆی حیزبەكە، دوورخستنەوەی " جێگری سەرۆكی حیزب" لە دەسەڵاتی سەرۆكی حیزبو ئەنجومەنی سەركردایەتی حیزبدا نییەو تەنها كۆنگرە دەتوانێت ئەو بڕیارە بدات.
ئەو وتیشی ئاماژەی بەوەشدا، ئەگەر عەبدوڵای حاجی مەحمود سكاڵا تۆمار بكات، ئەوا دوور نییە هەمان سیناریۆی نێوان قادر عەزیزو نەیارەكانی بۆ خاوەندارێتی حیزبی زەحمەتكێشان دووبارە ببێتەوە.
ڕەنگە گەڕی نوێو توندی ململانێكانی نێوان محەمەدی حاجی مەحمودو عەبدوڵای برای كە لە میانی هەڵبژاردنی پەرلەمانی كوردستاندا خۆی وێنا دەكات، لە بازنەی سلێمانیدا بەرجەستە ببێتو هەردوولایان لێرەوە هێزو سەنگی خۆیان بەرانبەر یەكدی نیشان بدەن.
لە بازنەی سلێمانیدا، محمەدی حاجی مەحمود " ڕێبین"ی كوڕی كردووەتە سەرۆكی لیستی " هاوپەیمانی هەرێمی كوردستان" و لەبەرانبەریشدا عەبدولا " شاڵاو"ی خوشكەزای لە لیستی هاوپەیمانی سەردەم"دا لە بازنەی سلێمانی كاندید كردووە، شاڵاو عومەر، خوشكەزای محەمەدی حاجی مەحمودو عەبدولای حاجی مەحمودەو تا ئەودەمەی ناكۆكییەكانی نێوان تەقییەوە، شاڵاو ئەندامی سەركردایەتیو بەرپرسی مەڵبەندی سلێمانی پارتی سۆسیالست بوو، هاوكات جێگری سەرۆكی یانەی بەختیاریش بوو، ئەو یانەیەی كە ئاگری لە ناكۆكییەكانی نێوان دوو براكە بەردا.
زۆرترین سەردان
1
پیاوێك دەڵێت لەلایەن ژنێكەوە لەڕێگەی مۆبایلەوە هەرەشەی لێكراوە ... بزانە چی بەرامبەر كراوە؟
2
نەوەى نوێ لە بۆسەدایە بۆ پارتى ... دۆسیەى یاسایی بۆ دادگاى فیدراڵى ئامادە کراوە
3
کۆمپانیای ئێڵ جی دووبارە دەستنیشانکرا بۆ نایابێتی دیزاین و چەندان خەڵاتی بردەوە لە بۆنەی RED DOT دا
4
ئێستا بافڵ تاڵەبانی گەشتە پرسەی علی شامار
5
لاهور شێخ جەنگی یادگاریەكی خۆی لەگەڵ عەلی شامار دەگێڕێتەوە
زیاتر بخوێنەرەوە
"فرۆشتنی بەهەشت بەمەتر"
دوو پەرلەمانتاری گۆڕانو دوو پەرلەمانتاری بزوتنەوە بە نایاسایی خانەنشین دەكرێن
سبەینێ لە گوڵەخانە چی ڕوودەدات؟
پارەی حزبەکان لە فەیسبووکدا؛ کام لایەن زۆرترین پارە لە سپۆنسەرکردندا خەرج دەکات؟
مەلا مستەفا داوا لە سەرکردەکانی شیوعی دەکات برایم ئەحمەدو جەلال تاڵەبانی بۆ بکوژن
فایەق گوڵپی چۆن باسلە کارەساتی هەڵەبجە دەکات؟
×
زمانەکان
کوردی
العربیة
English
بابەتەکان
سیاسی
ئابووری
توێژینەوە
کولتور
فۆتۆستۆری
مەڵتی میدیا
بەرنامەکان
پۆدکاست
بیروڕا
ئەرشیف
ئێمە کێێن
دەربارە
پەیوەندی
تۆڕە کۆمەڵایەتیەکان
© 2024 Diplomatic Magazine